სამოდელო გაკვეთილის დაგეგმვის ტრენინგი4-5 დეკემბერი, 2010 წელი
სასტუმრო მარიოტი
ტრენინგის I დგეს ტრენერებმა და მენტორებმა დაგეგმეს 6 სხვადასხვა გაკვეთილი, პრეზენტაციის მერე კენჭისყრით გამოვლინდა 3 გაკვეთილი, რომლებიც მეორე დღეს ჩაატარეს მენტორებმა. სიმულაციური გაკვეთილების დროს მენტორებმა კარგად გაითავისეს როლები და ჩაატარეს მაძიებლის საჭიროებებზე მორგებული სამოდელო გაკვეთილები, თუმცა ტრენერთა მხრიდან იყო საქმიანი შენიშვნები.
ტრენინგის მეორე დღეს მენტორები შეხვდნენ და გაესაუბრნენ ყოფილ მენტორებსა და მაძიებლებს, დასვეს შეკითხვები და გაიმართა პლენარული სესია, სადაც პროექტის კოორდინატორებმა პაატა პაპავამ და ეკა მამაცაშვილმა უპასუხეს მენტორთა შეკითხვებს. ტრენინგის მონაწილეებს დაურიგდათ საინტერესო სახელმძღვანელოები და ისტის II დონის ტრენინგის წიგნები. საბოლოო ჯამში, მენტორებს 27 დეკემბრამდე მოსამზადებელი აქვთ შემდეგი დოკუმენტები: მაძიებლის ინდივიდუალურ საჭიროებათა ანალიზი, შეფასების რუბრიკა, სამოქმედო პროგრამა და გეგმა, I სემესტრში ჩატარებული სამუშაოს ანგარიში. ვფიქრობთ, ამ ტრენინგების მერე მენტორებისთვის ბევრი ბუნდოვანი საკითხი გაირკვა და მუშაობაც მაძიებელთან უფრო ეფექტური გახდა.